कोरियाको अपार्टमा आगलागी हुँदा दम्पतिको मृत्यु

सोल- दक्षिण कोरियामा एक अपार्टमा आगो लाग्दा एक दम्पतिको मृत्यु भएको योन्हप समाचार समितिले जनाएको छ |

राजधानी सोलदेखि दक्षिण पश्चिम रहेको ग्वाङ्ग्जुमा बिहिबार बिहान ४ बजेर २० मिनेटमा भएको आगलागीमा परेर ५४ बर्षिय पुरुष अपार्टबाट हामफालेर मृत्यु भएको थियो भने ५१ बर्षीय श्रीमतीको घर भित्रै निसासिएर मृत्यु भएको हो |

घटनाबाट मृतकको दुई सन्तान र अन्य एक जना गरि तीन जना घाइते भएका छन् |

अपार्टको पाँचौ तलामा भएको सो आगलागी फायर फाइटरले २० मिनेटमा नियन्त्रण गरेको थियो | आगलागीको कारण अध्ययन भैरहेको समाचारमा जनाइएको छ |