स्वास्थ्य टीप्स-अगरबत्तीको धुवाँले क्यान्सर हुनसक्छ

एजेन्सी-अगरबत्ती पूजापाठमा अनिवार्य चाहिन्छ। यसलाई अध्यात्मको प्रतीक मानिन्छ भने यसले शान्ति र सुख दर्शाउँछ भन्ने विश्वाश छ ।

तर एक अध्ययनका अनुसार अगरबत्तीको धुवाँले स्वास्थ्यमा हानि पुर्‍याउने वैज्ञानिकहरुले बताएका छन्।

एक चीनिया अध्यायन अनुसार मानिसका लागि अगरबत्ती चुरोटको धुवाँभन्दा हानिकारक रहेको बताइएको छ ।

अगरबत्ती र चुरोटको तुलनात्मक अध्ययन गर्दा अगरबत्तीमा धेरै मात्रामा हानिकारक केमिकल्सको प्रयोग भएको र अगरबत्तीमा भएको केही केमिकल्स चुरोटमा समेत पाइने जनाइएको छ ।

‘स्प्रिन्जर्स जर्नल इन्भाइरनमेन्टल केमेस्ट्रिी लेटर्स’मा प्रकाशित लेख अनुसार नजिकै छेउछाउमा बाल्ने अगरबत्तीको प्रयोगले डिएनएमा परिवर्तन ल्याउन सक्छ। अध्ययनकर्ताले यसमा म्युटाजेनिक, जेनोटोक्सिक र साइटोक्सिक जस्ता टोक्सिन (विष) पाइन्छन् जसले क्यान्सर र फोक्सोका रोगहरु निमत्याउन सक्छन् भनेर पत्ता लगाएका छन्।

त्यसैगरी अध्ययनले अगरबत्तीको धुवाँ फोक्सोमा गई बस्दा यसले इन्फ्लामेटरी रियाक्सन पनि गराउनसक्ने बताएको छ। अगरबत्तीमका कणहरुमा ६४ प्रकारका तत्व हुने भएकाले यसले श्वासप्रश्वास नलीमा जलन गराउनसक्छ।

साथै अगरबत्तीले थप विभिन्न तत्वहरुले शरीरलाई हानी पुर्‍याउने अध्ययनले निष्कर्ष निकालेको छ। अध्ययनकर्ताहरुले अगरबत्तीको प्रयोग सावधानीपूर्वक गर्नुपर्ने बताएका छन् ।