जापानमा सात वर्षीया बालिकाको छुरा हानी हत्या

जापानको ह्युगो प्रान्तको आइनागावामा सात वर्षकी एउटी बालिकालाई छुरा प्रहार गरी हत्या गरिएको छ। प्रहरीका अनुसार मृत बालिकाको नजिकै उनको आमा पनि बेहोश अवस्थामा ढलेकी थिईन् जसको पेटमा छुरा प्रहार भएको थियो।

बिहान ४ बजेतिर छोरीको बुबाले प्रहरीलाई फोन गरि छोरीलाई घाटीमा छुरा प्रहार भएको र अत्यधिक रगत बगिरहेको बताएका थिए।

प्रहरी आएपछि छोरि जुरी इवामुरालाई अस्पताल तुरुन्त लागिएको थियो जहाँ उनलाई मृत घोषणा गरिएको थियो।

प्रहरीका अनुशार घरमा जबरजस्ती प्रवेशको कुनै संकेत देखाएको छैन। त्यसैले आमाको होस आएपछि उनलाई सोधपुछ गरिने एक प्रहरीले भने।

आफ्नो पत्नी, छोरि र छोरा माथिल्लो तल्लामा सुतेको र आफु भने तल्लो तल्लामा सुतिरहेको मृतकका बुबाले प्रहरीलाई जानकारी गराएका थिए। १० वर्षीय छोरालाई भने केहि भएको छैन।