कोरियामा टाइफुन दुर्घटनामा परेर मृत्यु हुनेको संख्या ३ पुग्यो

सोल-दक्षिण कोरियामा आज शनिबार आएको टाइफुन लिङ्गलिङ्गमा परेर ज्यान गुमाउनेको संख्या ३ पुगेको छ ।

सोलको करिब १ सय ५० किलोमिटर दक्षिणपश्चिममा रहेको बोर्योङ्गमा १ सय ४० किलोमिटर प्रति घण्टामा चलेको बतासका कारण एक ७० वर्षिया महिलाको मृत्यु भएको उद्धार अधिकारीहरु जानकारी दिए।

त्यस्तै इन्छनमा एक अस्पतालको पर्खाल भत्किंदा एक जना बस ड्राइभरको मृत्यु भएको कोरियन समाचारहरुले जनाएका छन् । त्यसैगरी पाजुमा एक ६१ बर्षीय वृद्धको रूफ प्यानलले लागेर मृत्यु भएको छ ।

लिङ्गलिङ्गसंगै आएको भारी वर्षा र तीव्र बतासले देशभरि सयौं दुर्घटनाहरू पनि भएका छन् ।

तीव्र हावाका कारण ईन्छन एयरपोर्ट पुलहरूलगायत सडकका केही खण्डहरू बन्द गरिएको छ।

कोरिया मौसम संघको अनुसार टाइफुन उत्तर कोरिया सम्म पुग्ने आशंका गरिएको छ।