कोरियामा लिङ्गलिङ्गले एकको मृत्यु

सोल-दक्षिण कोरियामा आज शनिबार आएको टाइफुन लिङ्गलिङ्गमा परेर एक जनाको ज्यान गरेको छ |

लिङ्गलिङ्गसंगै आएको भारी वर्षा र तीव्र बतासले देशभरि सयौं दुर्घटनाहरू पनि भएका छन् |

सोलको करिब १ सय ५० किलोमिटर दक्षिणपश्चिममा रहेको बोर्योङ्गमा १ सय ४० किलोमिटर प्रति घण्टामा चलेको बतासका कारण एक ७० वर्षिया महिलाको मृत्यु भएको उद्धार अधिकारीहरु जानकारी दिए।

टाइफुनले अन्य सयौं साना घटनाहरू,  देशभरि रूखहरू उखेलिएको जनाइएको छ । त्यसैगरि अहिलेसम्म करिब ३०० उडानहरू रद्द भईसकेकाछन्।

तीव्र हावाका कारण ईन्छन एयरपोर्ट पुलहरूलगायत सडकका केही खण्डहरू बन्द गरिएको छ।

आँधी दिउँसो सोल नजिक पुगेसंगै देशभर चेतावनीहरूको श्रृंखला जारी नै थियो।

कोरिया मौसम संघको अनुसार टाइफुन उत्तर कोरिया सम्म पुग्ने आशंका गरिएको छ।

केन्द्रीय र नगरपालिका सरकारहरूले आँधीबेहरीबाट हुने क्षतिलाई कम गर्न सहयोग पुर्‍याउन सावधानी अपनाएका थिए।