सिंगापुरमा २ साता मिर्गौलाको उपचार गराएर फर्किए प्रधानमन्त्री ओली

काठमाडौं- प्रधानमन्त्री केपी शर्मा ओली स्वेदश फर्किएका छन्।

शुक्रवार १२ बजे थाई एयरवेजको जहाजबाट त्रिभुवन अन्तर्राष्ट्रिय विमानस्थलमा ओली अवतरण गरेका हुन्। २ साता अघि मिर्गौलाको उपचार गराउन उनी सिंगापुर पुगेका थिए।  

उनलाई स्वागत गर्न विमानस्थलमा प्रतिनिधि सभाका सभामुख कृष्णबहादुर महरा, राष्ट्रिय सभाका अध्यक्ष गणेशप्रसाद तिमिल्सेना, उपप्रधानमन्त्री ईश्वर पोखरेललगायत पुगेका थिए।

भदौ ५ गते सिंगापुर गएका ओलीको प्लाज्मा फेरिसस प्रक्रियाबाट मिर्गौलाको उपचार गरिएको थियो।

विमानस्थलमा भने प्रधानमन्त्री ओलीले कुनै प्रतिक्रिया जनाउन मनाही गरेका छन्।