४ थान पेस्तोलसहित ३ जना पक्राउ

कैलाली- धनगढी–६ का सन्जय राणासहित अन्य दुई जना पक्राउ गरेको प्रहरीले जनाएको छ।

उनीहरुबाट राष्ट्र बैंकका नक्कली कागजात, कीर्ते तमसुक, सुनका गहना पनि बरामद भएको प्रहरी श्रोतले जानकारी दिएको छ। सञ्जयबाहेक अन्य दुई जनाको परिचय खुलाइएको छैन।

बरामद गरिएको सुनको परिणाम पनि प्रहरीले गोप्य राखेको छ । भाडामा बस्ने तीनै जनाका बारेमा सूचना पाएपछि उनीहरुलाई पक्राउ गर्न केन्द्रीय अनुसन्धान ब्यूरोको टोली धनगढी आएको हो ।

जिल्ला प्रहरी कार्यालय कैलालीले पेस्तोलसहित तीन जना पक्राउ गरेको पुष्टि गरिसकेको छ।

घटनाको विस्तृत जानकारी पत्रकार सम्मेलनमार्फत दिइने तयारी गरिएको छ।