पत्रकार ओम हमाल छुट्नै नपाई फेरि पक्राउ

काठमाडौँ– विप्लव समूह निकट रहेको आरोपमा पक्राउ परेका पत्रकार ओम हमाल सर्वोच्च अदालतको आदेशअनुसार छुट्नै नपाई फेरि पक्राउ परेका छन्।

सर्वोच्चले मंगलबार बन्दीप्रत्यक्षीकरण रिट जारी गर्दै छाड्न आदेश दिए पनि प्रहरीले ‘माथिको आदेश’ भन्दै सर्वोच्चके गेटबाट पुन: हमाललाई पक्राउ गरेको हो। हमालका तर्फबाट पत्रकार जन्मदेव जैशीले भदौ ८ गते सर्वोच्चमा रिट निवेदन दिएका थिए।

नेपाल पत्रकार महासंघ कास्कीका साधारण सदस्य रहेका हमाल जनसञ्चार डटकमका सम्पादक छन्। पत्रकारितामा लामो सयमदेखि सक्रिय हमाललाई कास्कीमै मुद्दा चलाइएको थियो।