स्वास्थ्य टीप्स- व्रत बस्नुका ७ फाईदाहरु

नेपाली महिलाको तीज पर्व सोमबार सकियो | तीज पर्वका बेला श्रीमानको दिर्घायुको कामना गर्दै महिलाहरु दिनभर ब्रत बस्ने गर्दछन | महिलाहरु तीज बाहेक अन्य पर्वमा पनि आस्था अनुसार ब्रत बस्ने गर्छन | पूर्वीय समाजमा ब्रतको आफ्नै महत्व हुन्छा | ब्रत धार्मिक हिसाबले मात्र नभई बैज्ञानिक हिसाबले समेत बहुगुणी देखिएको छ | यहाँ ब्रतको फाइदा बारे बुँदागत चर्चा गरिएको छ |

१-हप्तामा एक दिन ब्रत अथवा खाली पेट बस्दा शरीरको आन्तरिक शुद्धिकरण हुन्छ । शरीरमा रहेका विषाक्त तत्वहरु बाहिर निस्कन्छ । यसका लागि हामीले थोरै शारीरिक श्रम गर्नुपर्ने दिन रोज्न सक्छौँ ।

२- एक दिन खाली पेट बसेमा हामी धेरै प्रकारका रोगहरुबाट टाढा रहन्छौँ । दैनिक जीवनमा हामी कुनै न कुनै किसिमको पेट सम्बन्धि रोगबाट ग्रस्त हुन्छौँ । धेरै मानिसहरु अपच, पखाला जलन आदि समस्याबाट ग्रस्त हुन्छन् । खाने बेलामा के, कती खाने भन्नेमा हामीले ध्यान दिँदैनौ । धेरै खानेकुरा खाएमा पखला लाग्छ । खाना नखाएमा ग्याष्ट्रिकले सताउन थाल्छ । हप्तामा एकपटक भोकै बस्दा अपच, ग्याष्ट्रिक, कब्जियत, पखला, एसिडिटी, जलन आदिको समस्याबाट मुक्ती पाइन्छ ।

३-हप्तामा एक दिन खाली पेट बस्दा कतिपय दीर्घ रोगमा पनि लाभ मिल्छ । यसले विषेश गरी उच्च रक्तचाप नियन्त्रणमा सघाउछ । यसका साथै शरीरमा रहेको कोलेस्ट्रोलको स्तर पनि घट्छ ।

४-एक दिन खाली पेट बस्दा मुटुको सम्बन्धि समस्यामा पनि लाभ पुग्छ । हृदय रोगको जड भनेकै कोलेस्ट्रोल हो । यसरी खाली पेट बस्दा कोलेस्ट्रोलको स्तर घट्ने हँदा हृदय रोगपनि केही मात्रामा घट्दै जान्छ ।

५-व्रत बस्नाले पाचनतन्त्र दुरुस्त हुनुको साथै शरीरमा रहेको विषाक्त पदार्थ सजिलै शरीरबाट बाहिर निस्कन्छ ।

६-जुन मुटुको धमनीका लागि फाइदाजनक हो । नियमित उपवास ९व्रत० गर्नाले शरीरको तौल पनि कम हुन्छ । जब हामी व्रत बस्छौँ त्यस बेला कयौं घन्टासम्म केही खाँदैनौ, जसले शरीरमा बोसोयुक्त कोषहरू पग्लन थाल्छ र तौल कम हुन थाल्छ ।

७-व्रतले शरीरमा रोग प्रतिरोधात्मक शक्ति वृद्वि हुन्छ । शरीरको सबै भागमा उर्जा प्रवाह हुन थाल्छ । मनमा शान्ति र दिमाग तेज हुन थाल्छ । व्रत बस्नाले शरीर हलुका भएको तत्काल महसुस हुन्छ ।

कस्ताले ब्रत बस्नु हुदैन ?

-मधुमेह तथा उच्च रक्तचाप /हाइपरटेण्सन भएका व्यक्तिले

-भर्खर अपरेशन गरेकाहरुले

-रगतको कमी भएमा अथवा रगत सम्बन्धि समस्या देखिएमा

– मुटु, कलेजो, फोक्सो तथा किड्नी सम्बन्धी रोगबाट पिडितहरु

-विषेशगरी गर्भवतीले व्रत बस्नु हुँदैन । किनकी यस्तो अवस्थामा व्रत बस्दा गर्भमा रहेको शिशुको स्वास्थ्यमाथि असर पर्न सक्छ ।

– शारीरिक रुपले कम्जोर र गम्भीर रोग लागेका व्यक्ति व्रत बस्नु हुँदैन ।

-यस्तै स्तनपान गराइरहेका महिलाले पनि व्रत बस्नु हुँदैन । साथै व्रत बसेको दिन धेरै परिश्रम गर्नु हुँदैन । यदि व्रत बसेको बेला रिंगाटा लाग्ने गर्छ भने एक गिलास ग्लुकोज वा चीनी पानी पिउनु राम्रो हुन्छ । किनकी शरीरमा ग्लुकोजको मात्रा कम हुँदा यस्तो हुन्छ ।

नोट – व्रत तोड्ने पनि तरिका हुन्छ । व्रत तोड्नका लागि एक गिलास ताजा फलफूलको जुस पिउने । त्यसपछि उमालेको तरकारी र रोटी खानु उचित मानिन्छ |