प्रधानमन्त्री ओलीकाे स्वास्थ्य अवस्था बुझ्न नेकपा उपाध्यक्ष र महासचिव सिंगापुर जाने

काठमाडौं-नेपाल कम्युनिस्ट पार्टीका उपाध्यक्ष बामदेव गौतम र महासचिव विष्णु पौडेल प्रधानमन्त्री केपी शर्मा ओलीलाइ भेट्न सिंगापुर जाने भएका छन्। उपचाररत प्रधानमन्त्रीकाे  स्वास्थ्य अवस्था बुझ्न दुइ नेता त्यसतर्फ जान लागेका हुन् ।

गौतम र पौडेल मंगलबार सिंगापुर जान लागेको बताइएकाे छ।

उपचारका लागि  भदौ ५ गते  प्रधानमन्त्री ओली स्वास्थ्य उपचारका लागि  सिंगापुर गएका  थिए ।प्रधानमन्त्री ओली भदाै २० मा नेपाल फर्कने बताइएकाे छ। उनकाे बुधबारबाट उपचार सकिन्छ। 

सिंगापुरको नेशनल यूनिभर्सिटी हस्पिटलमा प्लाज्मा फेरेसिस प्रक्रियाबाट एण्टीबडीको मात्रा घटाउन उनकाे उपचार भइरहेको छ । प्रधानमन्त्रीसँगै गाैतम र पाैडेल फर्कने भएका छन्।