जापानमा बिदेशी कामदारमाथी ब्यापक श्रम शोषणमा

टोकियो-जापानमा बिदेशी कामदारमाथी ब्यापक श्रम शोषण भएको समाचार हालै बीबीसीले प्रसारण गरेको छ |

विभिन्न कम्पनीमा काम गरिरहेका ती बिदेशी कामदार माथी कम्पनि र व्यक्तिबाट समेत शोषण भैरहेको रिपोर्टमा उल्लेख छ |

जापानी कम्पनीहरुले पारिश्रमिकमा समेत भेदभाव गर्ने गरेका छन् |

बीबीसीले तयार गरेको भिडियोमा एक चीनिया महिला कामदारले आफुले ६ महिनासम्म बिदा नपाएको र काम गरेको पारिश्रमिक समेत नपाएको गुनासो गरेकी छिन |

ती महिलाले आफुलाई कम्पनिले नक्कली प्रमाण बनाएर काम लगाएको र त्यसको उचित मुल्य नपाएको बताएकी छिन |

त्यस्तै अर्की बेदेशी महिला कामदारले बिदेशी भएकै कारण जापानीहरुबाट हेपिनु परेको खुलासा गरेकी छिन | ती महिलाले खान खाने समयमा समेत हेपिनुपरेकाले आत्महत्या गर्न खोजेको समेत बताइन | उनले मानसिक रोगीका रुपमा औषधि खाइरहेको रुदै बताएकी छिन |

अमेरिकी कपडा कम्पनि डि गासो र भर्जिन न्यूयोर्क जस्ता महँगो कपडा उत्पादन गर्ने कम्पनीहरु समेतले बिदेशी कामदारलाई श्रम शोषण गरिरहेका छन् |

सन् २०१७ मा जापान सरकारले सार्बजनिक गरेको प्रतिवेदनमा समेत ७० प्रतिशत कम्पनीहरुले कामको समयावधि र अतिरिक्त कामको मुल्य नदिइएको उल्लेख छ |