कोरियामा बृद्धलाई डिस्को, भन्छन् – औषधी भन्दा प्रभाबकारी

सोल- दक्षिण कोरियाको राजधानी सोलमा ६५ बर्ष पुगेका बृद्धहरुलाई एक डिस्कोले नयाँ जीवन दिएको स्थानीय समाचारहरुले जनाएका छन ।

पूर्वी सोलको गल्लीमा रहेको यस डिस्कोमा ६५ बर्षको उमेर पार गरेका बृद्धहरुलाई भेला गराएर नाच्ने, रमाईलो गर्ने र एक अर्कासंग कुरा गराउने गरेको छ |

पहिलो पटक यस्तो कार्यक्रम स्थानीय सरकारले आयोजना गरेको हो। यस कार्यक्रमको मुख्य लक्ष्य वृद्धहरुको एक्लोपन हटाउने हो।

त्यसैगरि यस कार्यक्रमले मस्तिस्कलाई कमजोर पार्ने रोगको पनि समाधान हुने देखिएको समाचारमा जनाइएको छ

‘मेरो ढाड र खुट्टाहरू खराब छन् तर जब संगीत आउँछ, मेरो शरीर संगीतमै डुब्छ र मेरो सबै पीडाहरु गायब हुन्छन्। म यस पछि दुई वा तीन दिनको लागि ऊर्जाले भरिएको हुन्छु।’ एक बृद्धले भनेका छन् |

‘झूट छैन! मैले मेरा औषधी र सप्लीमेन्टहरूलाई पनि छोडिसकेको छु।’ अर्का बृद्धले हास्दै भने।

दक्षिण कोरियासँग विश्वको सबैभन्दा धेरै वृद्ध जनसंख्या रहेको मानिन्छ। २०१६ को जनगणना अनुसार देशको करीव १४ प्रतिशत अर्थात ६८ लाख ६५ बर्ष भन्दा बढी उमेरका नागरिकहरू रहेका छन ।