ट्विटर प्रमुखकै एकाउन्ट ह्याक

एजेन्सी- ट्विटरका संस्थापक एवं प्रमुख कार्यकारीसमेत रहेका ज्याक डोर्सीको ट्विट एकाउन्ट ह्याक भएको छ।

चक्लिङ्ग स्क्वाडका रुपमा आफूलाई परिचित गराएको ह्याकरको समूहले डोर्सीको एकाउन्ट ह्याक गरेको समाचार संस्थाहरूमा सार्वजनिक भएको हो।

ह्याकरले उनको ट्विटरमा अत्यन्तै आपत्तिजनक र रंगभेदी ट्विट गरिदिएका थिए।

करिब १५ मिनेटसम्म उनको एकाउन्टमा ती  ट्विट  रहेका थिए।

उनका चालिस लाखभन्दा बढी फलोअर्ससम्म ती ट्विट पुगेका छन्। 

ट्विटरले पछि सो एकाउन्टमा आफ्नो नियन्त्रण कायम भएको र ह्याकरबाट छुटाउन सफल भएको बताएको छ।

ट्विटरले ट्विट गरेको छ, ‘अहिले एकाउन्ट सुरक्षित छ। ट्विटरले कुनै पनि सुरक्षात्मक प्रणालीमा सम्झौता गर्ने छैन।’