दक्षिण कोरियाको आकाशमा अमेरिकी जासुस विमान

एजेन्सी- अमेरिकी जासुसी सेनाको टोलीले बिहीबार दक्षिण कोरियाको राजधानी सोल र वरपरका क्षेत्रहरूमा उडान गरेको गरेको छ। दक्षिण कोरियाली उड्डयन ट्र्याकरले दक्षिण कोरियाली आकाशमा अमेरिकी सेनाको विमानले उडान गरेको पुष्टि गरेको छ। उत्तर कोरियाका गतिविधि अध्ययन गर्न र सूचना संकलन गर्न अमेरिकाले निरीक्षण गरेको हुन सक्ने आँकलन गरिएको छ।

अमेरिकी सेनाको सो टोलीले आरसी-१३५ भी विमानबाट आफ्नो देशको राजधानी र ग्येनोग्गी प्रान्तको निरीक्षण गरेको दक्षिण कोरियाको उड्डयन निकाय एयरक्राफ्ट स्पटस्ले ट्वीटरमा उल्लेख गरेको छ। उत्तर कोरियाले मिसाइल र रकेट प्रक्षेपण परीक्षण गरिरहेको अवस्थामा उसका गतिविधि जारी राख्न सक्ने चिन्ता भइरहेका बेला अमेरिकाले राजधानीको आकाशमा निरीक्षण गरेको हुन सक्ने बताइएको छ।

सोल र वाशिंगटनबीचको संयुक्त सैन्य अभ्यास गर्ने निर्णय गरेलगत्तै उत्तर कोरियाले मिसाइल परीक्षणलाई तीव्रता दिएको थियो।

यही महिना मात्र उत्तर कोरियाले ५ पटक शक्तिशाली हतियार परीक्षण गरिसकेको छ। गत शनिबार मात्र पनि उसले एक मिसाइलको परीक्षण गरेको थियो।

संयुक्त राज्य अमेरिकाका राष्ट्रपति डोनाल्ड ट्रम्पसँग मिसाइल परीक्षण नगर्ने बताएपनि उत्तर कोरियाले मिसाइल परीक्षण रोकेको छैन। गत साता मात्र प्योङयाङ र वाशिंटनबीच कुराकानी भएको बताइएको छ। पछिल्लो समय अमेरिकाले उत्तर कोरिया वरपरका क्षेत्रमा निगरानी बढाउन थालेको छ।

दक्षिण कोरियाली सेनाले भने यस विषयमा कुनै धारणा सार्वजनिक गरेको छैन। उसले वर्तमान अवस्थाको अध्ययन भइरहेको मात्र बताएको छ।