कोरियामा हल्ला गर्ने छिमेकिलाई छुरा प्रहार

 सोल- कोरियाको जोओला प्रान्तको गुन्सनको एउटा अपार्टमेन्टमा आफ्नो छिमेकिलाई छुरा हान्ने एक ३५ वर्षीय व्यक्तिलाई प्रहरीले पक्राउ गरेको छ। घटना हल्ला गरेको निहुमा सुरु भएको थियो।

आरोपीको पत्नीले घरधनीलाई आफुभन्दा माथि बस्ने छिमेकिहरु धेरै हल्ला गरिरहेको गुनासो गरेकी थिईन्। यो कुरा थाहा पाएपछि छिमेकिले आरोपीको पत्नीसंग झगडा गर्न थालेका थिए। त्यसको केहि समय पछि आरोपी कोठाबाट बाहिर निस्की छिमेकिलाई दूई पटक छातिमा छूरा प्रहार गरेका थिए।

पीडितलाई गम्भीर चोट नलागेको र अस्पतालमा उपचार भइरहेको प्रहरीले जानकारी दिए । हत्याको प्रयासको लागि प्रहरीले घटनास्थलबाट आरोपीलाई पक्राउ गरेको छ।

उनले प्रहरीलाई छिमेकिले माफी नमागी अझ आफ्नो पत्नीलाई गालि गरेपछि रिस नियन्त्रण गर्न नसकेको बयान दिएका छन्।