आज बिहान ६ बजेदेखि चितवनमा पाँच जनाभन्दा बढी भेला हुन नपाइने

काठमाडौं-पत्रकार शालिकराम पुडासैनीको आत्महत्या प्रकरणमा अर्का पत्रकार रबि लामिछाने निर्दोष भएको भन्दै चितवनमा लगातार प्रदर्शन भए पछि जिल्ला प्रशासन कार्यालय चितवनले निषेध आदेश जारी गरेको छ |

प्रदर्शनकारीले प्रहरी माथि आक्रमण र हुलदंगा मच्चाएपछि आज विहान ६ बजेबाट अर्को सूचना जारी नभएसम्म हुलदंगा वा अशान्ति गर्ने उद्देश्यले ५ जनाभन्दा बढी एकै ठाउँमा भेला हुन पाइने नपाइने गरि निषेध आदेश जारी गरेको हो |

स्थानीय प्रशासनले निषेधाज्ञा लागू हुने चार किल्ला समेत तोकेको छ ।

जस अनुसार पूर्वतर्फ बाइपास सडकतर्फ आन्तरिक राजश्व कायर्मलयको चोकदेखि घरेलु कार्यालयको चोकसम्म,पश्चिमतर्फ लोकमार्गको सप्तगण्डकी अस्पताल चोकदेखि चौबिसकोठी चोकसम्म, उत्तरतर्फ बाइपास सडकको अन्तरिक राजश्व कार्यालय चोकदेखि भरतपुर अस्पताल, पुरानो मेडिकल कलेजज जाने चोक, नारायणी मावि, कृषि ज्ञान केन्द्र हुँदै पूर्वपश्चिम लोकमार्गको चौबिसकोठी चोकसम्म र दक्षिणतर्फ बाइवपास सडकतर्फ घरेलु कार्यालयको चोकदेखि दूरसञ्चार चोक हुँदै पूर्व पश्चिम लोकमार्गतर्फ सप्तगण्डकी अस्पताल चोकसम्म रहेको छ |

सुरक्षा संवेदनशीलतालाई ध्यानमा राखी उक्त आदेश जारी गरिएको जिल्ला प्रशासन कार्यालयले जनाएको छ ।