तेह्रथुमको कृष्णअष्टमी मेला यालाङ्गमय

यासोक-तेह्रथुम म्याङ्लुङ बजारमा भाद्र ६ र ७ गते कृष्ण अष्ठमी लाखे जात्रामा बृहत धान नाच कार्यक्रम सम्पन्न भएको छ ।

उक्त लाखे जात्राको अबसरमा धान नाच प्रतियोगिता भएको सो कार्यक्रममा पाँचथर, इलाम , झापा , सुनसरी अनि तेह्रथुमका सुङ्नाम र छथरबाट प्रतियोगीहरु समाबेश भएका थिए ।

उक्त धाननाच प्रतियोगितामा पाचथर इलाम झापा र सुनसरीको सङ्युक्त टोलि प्रथम भएको थियो भने तेह्रथुम सुङ्नामका लखन लिम्बूको टोलि दोस्रो र छथरका थानहाङ तिगेलाको टोली तृतीय भएका थिए ।

म्याङ्लुङ नगरपालिकाका मेयर सन्जय तुम्बाहाम्फेले पालाम गाएर कार्यक्रमको उद्घाटन गर्नु भएको धाननाच प्रतियोगितात्मक कार्यक्रममा प्र,जि,अ, चन्द्रकला ओली डिएसपी टेकबहादुर कार्की सेनानी मेजर धन राना वडा न,१० का वडा अध्यक्ष होमबहादुर खापुङ समेत उपस्थिति रहेको थियो ।

धान नाच्ने क्रममा डिएसपी टेकबहादुर कार्की र मेन्छ्यायेम एफएमका स्टेशन प्रमुख मनोज तेयुङ्ले धान नाच सस्कृती अति राम्रो भएको तर नया पुस्ताले खासै ध्यान नदिएकोमा चिन्ता व्यक्त गरे ।

पाचथरबाट पदम दुखी सम्बाहाम्फे इलामबाट टुपेन्द्र एक्क्तेन झापाबाट कमला लिम्बू र सुनसरीका ललिता केदेमले धान नाच टोलि नेतृत्व गरेका बिजयी सहभागीलाई म्याङ्लुङ नगरपालिकाले नगद पुरस्कारद्वारा सम्मान गरेको थियो ।