आचार्य बालकृष्णलाई हृदयघात भएपछि अस्पताल भर्ना

एजेन्सी – गुरु रामदेवका सहयोगी एवं पतञ्जली आयुर्वेदका प्रबन्ध निर्देशक आचार्य बालकृष्णलाई हृदयघात भएपछि अस्पताल भर्ना गरिएकाे छ ।

भारतीय सञ्चार माध्यमका अनुसार उनलाई उपचारका लागि ऋषिकेशस्थित एम्समा भर्ना गरिएको छ ।

एम्सले आचार्य बालकृष्णलाई ‘हार्ट अट्याक’ भएको बताएको छ । तर, रामदेवका प्रवक्ता एके तिजारावालाले भने ४७ वर्षीय उनलाई ‘फूड पोइजनिङ’ भएको बताएका नवभारत टाइम्सले उल्लेख गरेको छ ।

यसअघि उनलाई हरिद्वारस्थित हिमालयन हस्पिटलबाट जोलीग्रान्ट लगिने बताइएको थियो । यद्यपि, एम्स ऋषिकेशले आचार्य बालकृष्णलाई इमर्जेन्सीमा भर्ना गराइएको पुष्टि गरेको छ ।

हिमालयन हस्पिटलका चिकित्सकहरुले उनलाई ‘हार्ट अट्याक’ भएको भन्दै उपचारका लागि एम्स रेफर गरेका बताइएको छ ।