झापामा करेन्ट लागेर एकजनाको मृत्यु

झापा- जिल्लामा करेन्ट लागेर बुधबार बेलुका एकको मृत्यु भएको छ।

मृत्यु हुनेमा शिवसताक्षी नगरपालिका–८, दाहाल चोकका ६१ वर्षीय हर्कबहादुर दर्जी रहेको जिल्ला प्रहरी कार्यालयले जनाएको छ ।

प्रहरीका अनुसार आफ्नै घरमा बिजुलीको तार जोड्ने क्रममा दर्जीलाई करेन्ट लागेको थियो।

करेन्ट लागेर गम्भीर घाइते भएका उनको उपचारको क्रममा बिर्ता सिटी अस्पताल बिर्तामोड मृत्यु भएको प्रहरीले जनाएको छ ।