किन पक्राउ परे भारतीय पूर्वअर्थमन्त्री पी चिदम्बरम्?

काठमाडौं- भारतका पूर्वगृहमन्त्री तथा अर्थमन्त्री पी चिदम्बरम् पक्राउ परेका छन्।

कांग्रेसका वरिष्ठ नेतासमेत रहेका चिदम्बरम्लाई बुधबार राति सीबीआईले घरबाटै पक्राउ गरेको हो।

चिदम्बरम्लाई भ्रष्टाचार लागेको छ। जसलाई उनले खारेज गर्दै आएका थिए। पक्राउ गर्नुपहिले उनले दिल्लीस्थित कांग्रेसको मुख्यालयमा पत्रकार सम्मेलन गरेका थिए। उनले आफू कानुनबाट भाग्न नभइ कानुनको शरणमा जान चाहेको बताएका थिए।

दिल्ली हाइकोर्टले यसअघि चिदम्बरम्लाई अग्रिम जमानत दिन अस्वीकार गरेको थियो। त्यसपछि सीबीआई उनलाई खोजिरहेको थियो।

तर २७ घण्टासम्म भेट्न सकेको थिएन। त्यसपछि उनका वकील सुप्रिम कोर्ट पुगेका थिए।

जहाँ उनको निवेदनमाथि शुक्रबार मात्रै सुनुवाई हुनेछ। पक्राउको विरोधमा कांग्रेसका कार्यकर्ताले नाराबाजी गरेका थिए।

सत्ताधारी भारतीय जनता पार्टीले विरोधी दलका नेताविरुद्ध राज्यका संयन्त्रको दुरुपयोग गरेको कांग्रेसको आरोप छ।