प्रधानमन्त्री ओली फेरी सिंगापुर जाने

काठमाडौं-प्रधानमन्त्री केपी शर्मा ओली फेरी स्वास्थ्य उपचारका लागि फेरि सिंगापुर जाने भएका छन् |

प्रधानमन्त्री निकट स्रोतका अनुसार ओली बिहीबार स्वास्थ्य उपचारका लागि फेरि सिंगापुर जान लागेका हुन् ।

केही औषधी सेवन र थप परीक्षणका लागि उनलाई यसअघि नै चिकित्सकले उतै बस्न आग्रह गरेको भए पनि उनी पार्टीको केही काम सक्नैपर्ने भन्दै स्वदेश फर्किएको उनको सचिवालय स्रोतले जनाएको छ |

कामको धपेडीको कारण देखाउँदै उनका निजी चिकित्सक समूहले प्रधानमन्त्रीलाई जाँचको लागि यसअघि सिंगापुर जान आग्रह गरे बमोजिम उनी त्यसतर्फ गएका थिए ।