निराशा व्यक्त गर्दै प्रचण्डले भने -‘पार्टी एकता नगरेको भए हुन्थ्यो कि ?

काठमाडौं-नेपाल कम्युनिष्ट पार्टी ( नेकपा) का अध्यक्ष पुष्पकमल दाहाल प्रचण्डले पार्टी एकताको पछिल्लो अवस्थाप्रति निराशा व्यक्त गरेका छन्। यो समचार अन्नपूर्ण पोस्ट दैनिकले लेखेको छ |

शनिबार काठमाडौंमा राष्ट्रिय चिकित्सक संघ नेपालले आयोजना गरेको कार्यक्रममा उनले भने, ‘कतिपय अवस्थामा आफूलाई पार्टी एकता नगरेको भए ठीक हुने थियो कि भन्ने अनुभूति हुन थालेको छ।’ दाहालले कतिपय विषय चित्त नबुझे पनि पार्टी एकतालाई बलियो बनाउनका लागि निर्णय गरिएको बताए।

लामो छलफलपछि नेकपाको सचिवालय बैंठकले शुक्रबार महत्वपूर्ण कुरामा निर्णय लिएको बताउँदै भने, यसले पार्टी एकतालाई बलियो बनाएको छ।’

प्रचण्डले वर्तमान नेपाल निकै ठूलो अवसर र चुनौतीको दोसाँधमा रहेको समेत बताएका छन्। चुनावका बेला गरिएका प्रतिवद्धता, घोषणा र सरकारको तर्फबाट गरिएको सुखी नेपाली समृद्ध नेपालको आकांक्षा पुरा गर्ने पनि चुनौती रहेको उनले प्रष्ट पारे।