उत्तर कोरियाको लगातार मिसाइल प्रहारले दुई कोरियाबीच तनाब

सोल-उत्तर कोरियाले पूर्वी समुद्रमा दुईवटा मिसाइलको प्रक्षेपण गरेको छ । उत्तर कोरियाको उक्त कदमले दुई कोरियाली प्रायद्वीपमा थप तनाव बढाएको छ।

सोलका संयुक्त चीफ अफ स्टाफले बताए अनुसार, उत्तर कोरियले उत्तर पुर्बी गंग्वोन प्रान्तको पूर्वी तोङगचुनबाट दुईवटा प्रक्षेपणहरू परिक्षण गरेको हो ।

सोल संयुक्त चीफ अफ स्टाफले भने ‘सेनाले प्रोजेक्टिकलहरूको विश्लेषण गर्दैछ, र उच्च स्तरको आकस्मिक लडाइँको लागि तत्परता कायम राख्छ।’

दक्षिण कोरियाली र अमेरिकी सेनाले प्रक्षेपणको विवरण किन भईरहेको छ भन्ने पुष्टि गर्न सकेको छैन।

यो जुलाई २ पछि उत्तरमा प्रक्षेपण हतियारहरू परिक्षण गरेको छैटौं पटक हो र यो वर्षको सुरूदेखि आठौं पटक हो। उत्तर कोरियाले प्रक्षेपणलाई आफ्नो रक्षाको अधिकार भित्र रहेको भन्दै र दक्षिण कोरियाको आलोचनाको लागि दोष लगाउने गरेको छ।

उत्तर कोरियाले नोभेम्बर २०१७ देखि मिसाइल परीक्षणहरू स्थगित गरेको थियो, फेरि यहि मे ४ देखि छोटो दूरीको ब्यालेस्टिक मिसाइलहरू सहित प्रक्षेपण हतियार प्रक्षेपण गर्न सुरु गरेको छ।

मे ४ को प्रक्षेपण गरेपछि पछि अर्को मे ९ मा गरेको थियो। ऊक्त दुई परिक्षणमा प्रक्षेपण गरिएका के एन – २३ मिसाइलहरू हुन् भनेर जनाएको छ।

गत १० अगस्टमा, उत्तर कोरियाले घोषणा गरेर परिक्षण गरेको दुई मिसाइललाई ‘नयाँ हतियारहरूको नयाँ परिक्षण’ भनेर प्रक्षेपण गरिएका थिए। अगस्ट १० मा परिक्षण गरिएको हतियारहरूको वास्तविक प्रकृति के कतिको शक्तिशाली हो भन्ने गोप्य रहेको छ।