कोरियाली जनताको माग -‘जापानले माफी मागोस’

सोल- दक्षिण कोरियाली जनताले युद्दताका जापानले गरेको मजदूर ज्यादतीप्रति माफ मागोस भन्ने चाहन्छन |

जापानको उपनिवेशनबाट मुक्त भएको ७४ औं स्वतन्त्रता दिवसको अवसरमा बिहिबार आयोजना गरिएको कार्यक्रममा हजारौं सहभागीलेले युद्दताका जापानले गरेको श्रम शोषण र ज्यादतीप्रति माफ माग्नुपर्ने आवाज उठाएका हुन् |

विभिन्न क्षेत्रबाट जम्मा भएका मध्ये श्रम शोषणको सिकार भएका थिए ली चुन सीक | उनले कार्यक्रमलाई सम्बोधन गर्दै भने -भन्नुपर्ने धेरै छ,तर अहिले मा बोल्न सक्दिन | किनकि म दिक्क भैरहेको छु |’

जापानले कोरियाली प्रायदीप सन् १९१० देखि सन् १९४५ सम्म ३५ बर्ष उपनिवेश चलाएको थियो | सो अवधिमा भएको सबैखाले ज्यादती बारे क्षतिपुर्ती सहित जापानले माफ माग्नुपर्ने भन्दै कोरियनहरु आन्दोलन गरिरहेका छन् |

बिहिबार भएको बिरोध र्यालीमा सहभागीहरु सोलमा रहेको जापानी राजदूताबास प्रांगण पुगेर प्रधानमन्त्री सिन्जो आबेले पीडितसंग औपचारिक माफ मागेर उनीहरुलाई उचित क्षतिपूर्ति दिनुपर्ने माग राखेका थिए |

दक्षिण कोरियालीले विभिन्न चरणमा आन्दोलन गरिरहेका बेला जापानले भने सन् १९६५ मा कोरिया-जापान दुई राज्य बीच भएको सन्धीले दीपक्षीय सम्बन्धलाई सुधार गरिसकेको बताउंदै आएको छ |