प्रधानमन्त्री केपी शर्मा उपचारका लागि फेरि सिंगापुर जाने

काठमाडाैं-प्रधानमन्त्री केपी शर्मा ओलीको स्वास्थ्यमा सुधार नआएपछि उपचारका लागि पुनः सिंगापुर जाने तयारी गरिएकाे छ।
बुधबार देखि ज्वरो र खोकी लागेका प्रधानमन्त्री ओलीको स्वास्थ्यमा बिहिबार पनि सुधार नआएपछि उपचार गर्न सिंगापुर लाने तयारी भएको हो।शुक्रबार स्वास्थ्यमा सुधार नअाए शनिबार उपचारमा जाने गरि बालुवाटारमा तयारी भएकाे छ।

प्रधानमन्त्रीकै स्वास्थ्यका कारण नेकपाकाे सचिवालयकाे बैठक सर्दै अाएकाे छ। बिहीबारकाे लागि बाेलाइएकाे बैठक पनि अन्तिम समयमा सारिएकाे थियाे।

प्रधानमन्त्री  ओलीले सिंगापुरमा स्वास्थ्य परीक्षण गरी सोमबार स्वदेश फर्केका थिए ।  ओली १० दिन  उपचार गरि फर्केका थिए। १२ वर्ष अघि मिर्गौला प्रत्यारोपण गरेका ओलीलाई चिकित्सकहरुले फलो-अपका लागि सिंगापुर जान सुझाएका थिए ।

सिंगापुरस्थित ‘नेसनल युनिभर्सिटी हस्पिटल’ (एनयुएच)मा प्रधानमन्त्रीकाे स्वास्थ्य परीक्षण गरिएको थियो ।