भाद्र १६ भक्तपुरमा माओबादीले ‘‘घिन्तांग घिसि ” को आयोजना गर्ने

नेकपा माओबादी केन्द्र भक्तपुर नगर कमिटीले भाद्र १६ गते स्थानीय कला संस्कृति जगेर्ना गर्ने उदेश्यले ‘‘ घिन्तांग घिसि ” कार्यक्रमको आयोजना गर्ने भएको छ l

नेकपा माओबादी केन्द्रले भाद्र १६ गते देशभरि स्थानीय निकायको एउटा वडामा ‘जनतासँग माओवादी विशेष रूपान्तरण अभियान’ को उद्घाटन कार्यक्रम गर्ने भएका छन् l भक्तपुर नगरमा पनि उद्घाटन पश्चात गाइजात्राको अवसरमा स्थानीय कला संस्कृति जगेर्ना गर्ने उदेश्यले ‘‘ घिन्तांग घिसि ” कार्यक्रमको आयोजना गर्न लागेको कार्यक्रम संयोजक श्रीराम सुवालले बताए l ‘‘घिन्तांग घिसि ” कार्यक्रमका संयोजक सुवालले अहिले हाम्रो पार्टीले भाद्र १६ देखि मङ्सिर १५ गते सम्म तिन महिना ” घर घरमा माओबादी ,जनजनमा माओबादी” नाराका साथ देशभरिका जनताहरुसित जोडिन हरेक नेपालीहरुको घर दैलोमा गइ जनभेटघाट तथा अन्तरक्रिया पनि संचालन गर्न लागेको बताए l

भक्तपुरमा हरेक वर्षको भाद्र कृष्ण प्रतिपदादेखि कृष्ण जन्माष्टमीसम्म सात दिन गाईजात्रा पर्व मनाउने गरिन्छ l भक्तपुरको गाईजात्राको प्रमुख आकर्षण भनेको ” घिन्तांग घिसि ” नाच रहेकोले हामीले यो‘‘घिन्तांग घिसि ” कार्यक्रमको आयोजना गर्न लागेको नेकपा माओबादी केन्द्र भक्तपुर नगर कमिटीका अध्यक्ष राकेश सुवालले बताए l हाम्रो यो ” घिन्तांग घिसि ” कार्यक्रममा पार्टीका केन्द्रिय ,प्रदेश तथा जिल्लाका नेताहरु तथा कार्यकर्ताहरु सहभागी हुने बताए l

कार्यक्रम – ‘‘ घिन्तांग घिसि ” कार्यक्रम
आयोजक – नेकपा ( माओबादी केन्द्र ) , भक्तपुर नगर कमिटि
स्थान – लिवाली -८ , भक्तपुर
समय – दिउसो १२:३० बजे