आज वि.सं.२०८० साल भदाै ४ गते साेमवारको राशिफल

वि.सं.२०८० साल भदाै ४ गते । साेमवार । ईश्वी सन् २०२३ अगस्ट २१ तारिख ।

मेष(चू,चे,चो,ला,लि,लू,ले,लो,अ)

आँट गर्दा ठूलै काम पनि सम्पादन हुनेछन् । साँझतिर नयाँ काम गर्ने अवसर जुट्नेछ । सहयोगीहरू प्रशस्तै भेटिनेछन् । बिछोडिएका परिवारजनसँग रमाइलाे भेटघाट हुनेछ । रोकिएका काम बन्नाले मनग्य लाभ हुनेछ । द्वेष वा ईर्ष्या गर्नेहरूले हार खानेछन् । चुनौती पन्छाएर काम बनाउन सकिनेछ । व्यापारलगायत आर्थिक लाभ हुने नयाँ योजना शुभारम्भ हुनेछ ।

बृष (ई,ऊ,ए,ओ,वा,वी,वू,वे,वो)

तारिफयोग्य काम गर्दै धेरैको उपकार गर्न सकिनेछ । बुद्धिको उपयोगले लक्ष्य प्राप्त हुनेछ । बौद्धिक अभिव्यक्तिको प्रभाव बढ्नेछ । सुखद समाचारले उत्साह जगाउनेछ । अध्ययनमा प्रगति हुनेछ । साँझतिर पुरानाे समस्याले अलमल्याउन सक्छ । व्यवसायिक काममा केही खर्च लाग्न सक्छ । परिस्थितिवश काम राेकिन सक्छ । वादविवादमा अघि नसर्नुहाेला ।

मिथुन(का,की,कू,घ,ङ,छ,के,को,हा)

बौद्धिक कलाको प्रभाव बढ्नेछ । मिहिनेतले लक्ष्यमा पुर्याउनेछ । पहिलेको दुविधाले निर्णायक मोड लिनेछ । आम्दानीका स्रोत पनि बढ्नेछन् । तर हतारमा निर्णय लिँदा काम बिग्रन सक्छ । तत्कालको फाइदा हेर्दा पछिलाई समस्या पर्नेछ । बेसुरमा बोल्ने बानीले पनि दु:ख पाइनेछ । अरूलाई दिएको वचन पूरा गर्न नसकिएला ।

कर्कट (ही,हू,हे,हो,डा,डी,डु,डे,डो)

उद्योग र व्यापारमा विशेष फाइदा हुनेछ । गरिएका कर्मको उचित प्रतिफल प्राप्त हुनेछ । प्रतीक्षित नतिजाले उत्साह जगाउनेछ । कर्मयोगले नयाँ मोड लिनेछ भने मिहिनेतले नाम, दाम र इनाम आर्जन गर्न सकिनेछ । तर आफन्त र साथीभाइसँग सन्तुलित व्यवहार गर्नुपर्ला । प्रक्रिया नमिल्नाले पनि काम दाेहाेर्याउनुपर्ला ।

सिंह (मा,मी,मू,मे,मो,टा,टी,टू,टे)

नगद जुट्नाले दैनिकीमा परिवर्तन आउनेछ । अध्ययनमा प्रगति हुनुका साथै अनुभवलाई पनि निखार्ने अवसर प्राप्त हुनेछ । विभिन्न भाैतिक स्रोत-साधन प्राप्त हुनेछन् । दिगो काम प्रारम्भ हुनाले आम्दानीका स्रोत बढ्नेछन् । साँझतिर भने सहयोगीहरू पछि हट्नाले चिताएको काममा बाधा पुग्नेछ । प्रतीक्षित नतिजा कमजोर देखिनाले केही काम दोहोर्याउनुपर्ला ।

कन्या (टो,पा,पी,पू,ष,ण,ठ,पे,पो)

पारिवारिक जमघटका बीच स्वादिष्ट भोजनको आनन्द प्राप्त हुनेछ । सानो प्रयत्नले फाइदा उठाउन सकिनेछ । इच्छाशक्ति बढ्नुका साथै कीर्तिमानी कामको यश लिने अवसर प्राप्त हुनेछ । समय फुर्सदिलो देखिए पनि रचनात्मक कार्य शुभारम्भ गर्न सकिनेछ । साँझतिर भने विवादास्पद काममा अलमलिनुपर्ला । पहिलेका समस्या दोहोरिनेछन् र खर्च बढ्नेछ ।

तुला (रा,री,रु,रे,रो,ता,ती,तू,ते)

स्वास्थ्यका लागि आहारविहारमा ध्यान पुर्याउनुहोला । नतिजा सच्याउन काम दोहोर्याउनुपर्ला । परिस्थिति अनुकूल नभई नयाँ काम नथाल्नुहाेला ।सुरुमा खर्च बढ्नुका साथै अर्थअभावले सताउन सक्छ । फाइदाका लागि दोहोर्याएर प्रयत्न गर्नुपर्ला । अरूको विश्वासमा पर्दा धोका हुन सक्छ । टाढाका साथीभाइसँग सम्पर्क बढ्नाले यात्रा सम्भावना देखिन्छ ।

बृश्चिक (तो,ना,नी,नू,ने,नो,या,यी,यू)

स्रोत–साधन जुट्नाले गरिएका कर्मको उचित प्रतिफल प्राप्त हुनेछ । पेसा-व्यवसायमा मनग्य फाइदा हुनेछ । भाैतिक साधनहरू प्राप्त हुनेछन् । आम्दानीका नयाँ स्रोत फेला पर्नेछन् । प्रयत्न गर्दा दिगो काम प्रारम्भ हुन सक्छ । खर्च बढ्नाले अर्थ संग्रहमा बाधा पुग्नेछ । सरसापट तथा कामविशेषले रकम बाहिरिन सक्छ । परिस्थितिजन्य समस्याले दु:ख पाइनेछ ।

धनु (ये,यो,भा,भी,भू,ध,फा,ढा,भे)

कर्मयोगले आम्दानी समेत बढाउनेछ । मेहनतले आयआर्जनका नयाँ स्रोत फेला पर्नेछन् । व्यवसायमा लगानी बढाउनुपर्ने स्थिति आउन सक्छ । कीर्तिमानी कामको यश लिँदै लोकप्रियता हासिल गर्न सकिनेछ । आफ्नो क्षेत्रमा नाम र दाम कमाउने समय छ । शुभचिन्तकहरूको सहयोग जुट्नाले मनग्य फाइदा हुनेछ ।

मकर (भो,जा,जी,जू,जे,जो,ख,खी,खू,खे,खो,गा,गी)

तापिन आजको मिहिनेतले भविष्यमा प्रतिष्ठा दिलाउन सक्छ । साथीभाइको सहयोगले हिम्मत दिलाउनेछ । अरूलाई प्रभावित पारेर काम बनाउने समय छ । बुद्धिको उपयोगले काम सम्पादन हुनेछ । तर अवसरवादीहरूले आफ्ना कमजोरीको फाइदा उठाउने चेष्टा गर्नेछन् । समयमा वचन पुर्याउन नसक्ता अरूले आलोचना गर्नेछन् । ईर्ष्या गर्नेहरूले दुःख दिनेछन् ।

कुम्भ(गू,गे,गो,सा,सी,सू,से,सो,दा)

तत्काल उपलब्धि प्राप्त नभए पनि सम्भावना खोजी गर्ने समय छ । रोकिएको काममा दोहोर्याएर प्रयत्न गर्नुहोला । पछि फाइदा हुने काम गर्न सकिनेछ । स्वास्थ्य कमजोर रहनाले काम पूरा गर्न समय लाग्नेछ । जिम्मेवारी बढे पनि न्यून उपलब्धिमा चित्त बुझाउनुपर्ने परिस्थिति देखिन्छ । आहारविहारमा विशेष ध्यान पुर्याउनुहोला ।

मीन(दी,दू,थ,झ,ञ,दे,दो,चा,ची)

आतिथ्यपूर्ण सत्कार पाइने समय छ । प्रेम र मित्रताको बन्धन कसिनेछ । विभिन्न भौतिक वस्तुहरू जुटाउन सकिनेछ । सुरुमा रमाइलो यात्रा र मनोरञ्जनको आनन्द लिने समय छ । साँझतिर स्वास्थ्यमा कमजोर रहनेछ । आफ्नै वचनबद्धता पालना गर्न नसकिएला । आफन्तसँग सुमधुर सम्बन्धका लागि व्यवहारमा ध्यान पुर्याउनुहोला ।अरूका काममा समय बित्नेछ ।