आज वि.सं.२०८० साल साउन ३२ गते बिहीवारको राशिफल

वि.सं.२०८० साल साउन ३२ गते । बिहीवार । ईश्वी सन् २०२३ अगस्ट १७ तारिख ।

मेष(चू,चे,चो,ला,लि,लू,ले,लो,अ)

चुनौती पन्छाएर काम बनाउन सकिनेछ । श्रम परे पनि धेरैको उपकार गर्न सकिनेछ । बुद्धिको उपयोगले लक्ष्य प्राप्त हुनेछ । दिगो काम प्रारम्भ हुनेछ । अध्ययनतर्फ ज्ञानलाई निखार्ने अवसर प्राप्त हुनेछ । पुरुषार्थले समाजमा स्थापित बनाउन सक्छ ।

बृष (ई,ऊ,ए,ओ,वा,वी,वू,वे,वो)

भूमि तथा पशुधनबाट लाभ मिल्नेछ । टाढिएका आफन्त नजिकिन सक्छन् । शुभचिन्तकहरूलाई साथमा लिएर जुट्नुहोला, मिहिनेतले काम सम्पादन हुनेछ । तत्कालको फाइदा हेर्दा परिस्थिति बिग्रन सक्छ । काममा धेरै लाभ उठाउन नसकिए पनि समस्या सुल्झनेछन् । पहिलेका कमजोरी सुधार गर्ने अवसर प्राप्त हुनेछ ।

मिथुन(का,की,कू,घ,ङ,छ,के,को,हा)

अग्रजहरूको सहयोगले दिगो काम प्रारम्भ गर्न सकिनेछ । तर करकापमा परी काम गर्नुपर्ने परिस्थिति आउन सक्छ । सोख पूरा गर्न सञ्चित रकम खर्च हुने देखिन्छ । मौका आए पनि समयमा जागरुक नबन्दा पछि परिनेछ । लेनदेन तथा हिसाबकिताबमा होसियार रहनुहोला । काममा हस्तक्षेप गर्नेहरू सक्रिय हुनेछन् भने शुभचिन्तक तथा सहयोगीहरू कमै भेटिनेछन् ।

कर्कट (ही,हू,हे,हो,डा,डी,डु,डे,डो)

सहयोगीहरूले काममा साथ दिनेछन् । व्यापारमा राम्रै फाइदा हुनेछ । विगतको श्रमबाट प्रशस्त धन लाभ हुनेछ । रोकिएका काम सम्पादन हुनेछन् । सभा–समारोहमा सहभागी बन्ने मौका मिल्न सक्छ । मान–सम्मान पाइने समय छ । बोलीको भरमा चिताएको काम बन्नेछ । पठन–पाठनमा प्रगति हुनेछ । विचारले धेरैलाई आकर्षण गर्ने समय छ। प्रशंसकहरू बढ्नेछन् ।

सिंह (मा,मी,मू,मे,मो,टा,टी,टू,टे)

नयाँ कामको प्रस्ताव आउनेछ भने सहयोगीहरूले उत्साह जगाउनेछन् । मिहिनेतले नाम, दाम र इनाम हातपार्न सफल भइनेछ । पहिलेको सफलताले पनि थप काम गर्न हौसला प्रदान गर्नेछ । रमाइलो जमघटमा सहभागी बन्ने अवसर जुट्न सक्छ । आफन्तसँग भेटघाट हुनुका साथै स्वादिष्ट भोजनको आनन्द प्राप्त हुनेछ । पहिलेको सफलताले थप हौसला जगाउनेछ ।

कन्या (टो,पा,पी,पू,ष,ण,ठ,पे,पो)

दोहोर्याएर प्रयत्न गर्दा रोकिएको काम बन्नेछ । टाढाका साथीभाइले काममा साथ दिनेछन् । अर्थअभाव खट्किए पनि आवश्यक पर्दा सरसापट वा कर्जामार्फत धन जुट्नेछ । विदेश भ्रमणका लागि प्रयत्न गर्ने समय छ । तर अवसरको खोजीमा केही दौडधुप गर्नुपर्ला । खर्च बढ्नेछ भने आलस्य गर्ने बानीले निकै पछि परिनेछ । पछिल्लाे समयका लागि केही वस्तु त्याग्नुपर्ला ।

तुला (रा,री,रु,रे,रो,ता,ती,तू,ते)

सञ्चित धनको उपयोगबाट विशेष लाभ मिल्नेछ । आम्दानी बढ्नाले उत्साह जाग्नेछ । दैनिक आवश्यकता पूरा हुनेछन् र मिहिनेतको फल प्राप्त हुनेछ । व्यापारमा राम्रै फड्को मार्न सकिनेछ । प्रयत्न गर्दा दिगो काम प्रारम्भ हुन सक्छ । तर ठूलो भागको आशा राख्दा काम बिग्रनेछ । आफ्नो मिहिनेतको फाइदा अरूले उठाउनेछन् । आर्थिक लेनदेनमा सजग रहनुहोला ।

बृश्चिक (तो,ना,नी,नू,ने,नो,या,यी,यू)

मिहिनेतले राम्रो परिणाम दिलाए पनि प्रतिफल अरूले हत्याउने चेष्टा गर्नेछन् । काम सम्पादन भए पनि तत्काल धेरै आम्दानीको आशा नराख्नुहोला । आफ्ना काममा अरूको मुख ताक्नाले पछि परिनेछ । उचित मूल्यांकन भए पनि मिहिनेतको प्रतिफल हातपार्न केही समय लाग्नेछ । महत्त्वाकांक्षा पूरा नहुनाले मन खिन्न रहनेछ ।

धनु (ये,यो,भा,भी,भू,ध,फा,ढा,भे)

रोकिएका काम सम्पादन हुनेछन् भने मिहिनेतले लक्ष्यमा पुर्याउनेछ । सानो प्रयत्नले धेरैको भलाइ हुन सक्छ । लगनशीलताले बिस्तारै उद्देश्यमा पुर्याउन सक्छ । चुनौतीहरू पन्छाउँदै चिताएको काम बनाउन सकिनेछ । तर समाजमा विवादास्पद काम गर्नुपर्दा समस्यामा परिनेछ । ईर्ष्यालु मन भएकाहरूले सताउनेछन् । अरूका काममा धेरै समय व्यतीत गर्नुपर्नेछ ।

मकर (भो,जा,जी,जू,जे,जो,ख,खी,खू,खे,खो,गा,गी)

लेनदेन तथा हिसाबकिताबमा होसियार रहनुहोला । गोपनीयता बाहिरिनाले पनि समस्या पर्न सक्छ । काममा व्यस्तता बढ्नेछ भने शरीरमा कमजोरी तथा आलस्य अनुभूति हुनेछ । खर्च र चुनौतीको समय रहेको हुँदा अलि सजग रहनुपर्ला । काम दोहोर्याउनुपर्ने स्थिति आउन सक्छ । आफ्ना सूचना बाहिरिनाले समस्या पर्न सक्छ । सामान्य काममा धेरै धन र श्रम खर्चनुपर्ला ।

कुम्भ(गू,गे,गो,सा,सी,सू,से,सो,दा)

गृहस्थीहरूकाे जीवनयात्रा रमाइलो रहनेछ । आफन्तहरूको साथले आशा जगाउनेछ । व्यापारमा लाभ लिने समय छ । व्यवसायले रमाइलो यात्रा गर्ने अवसर दिलाउन सक्छ । विभिन्न भौतिक साधन प्राप्त हुनेछन् । धन तथा ज्ञानको भण्डार बढ्ने समय छ । मिहिनेतले जीवनशैलीमा परिवर्तन ल्याउन सक्छ ।

मीन(दी,दू,थ,झ,ञ,दे,दो,चा,ची)

फजुल खर्चका साथै ठगीमा परिने योग भएकाले होसियार रहनुहोला । वैधानिक प्रावधानले आँटेकाे काम गर्न बाधा पर्नेछ । अधिकार सुरक्षा गर्न जुट्नुपर्नेछ । काममा सोचेको फाइदा उठाउन नसकिएला । प्रतिस्पर्धी बढ्नाले समस्या थपिएलान् । चिताएका काममा बाधा पुर्याउनेहरू प्रशस्तै हुनेछन् । अप्ठ्यारो परिस्थिति सामना गर्नुपर्ला ।