सुन तस्करी प्रकरण : सिआइबीले थाल्याे अनुसन्धान

काठमाडौं- आइतबार राजस्व अनुसन्धान विभागले फाइल हस्तान्तरण गरेसँगै आजदेखि एक सय किलो सुन तस्करी प्रकरणमा नेपाल प्रहरीको केन्द्रीय अनुसन्धान ब्यूरोले अनुसन्धान सुरु गरेको छ।

सिआइबीमा कार्यरत प्रहरी उपरीक्षक (एसपी) सञ्जयसिंह थापालाई अनुसन्धान अधिकृत तोकिएको र औपचारिक रुपमा अनुसन्धान सुरु गरिएको प्रहरी प्रवक्ता कुबेर कडायतले बताएका छन् ।

त्रिभुवन विमानस्थल भन्सार कार्यालयबाट जाँच पास भएर निसिकएको सुन भन्सार कार्यालय अगाडिबाट यही साउन ३ गते राजस्व अनुसन्धान विभागले बरामद गरेको थियो ।

हङकङबाट ‘रेडी ट्रेड प्रालि’ले मगाएको सुन साउन ३ मा राजस्व अनुसन्धान विभागले त्रिभुवन विमानस्थल भन्सार कार्यालयको गेट बाहिरबाट बरामद गरेको थियो ।

सो प्रकरणमा हालसम्म चिनियाँ र भारतीय नागरिकगरेर १८ जना पक्राउ परिसकेका छन् ।