सुन तस्करी प्रकरण : एक जना पक्राउ, पक्राउ पर्नेको संख्या १७

काठमाडौं- काठमाडौंको सोह्रखुट्टेस्थित रेडी ट्रेडको गोदाममा सुन राखिएको आशंकामा राजस्व अनुसन्धान विभागको टोलीले छापा मारेको छ ।

छापा मरेको ठाउँ यसअघि भन्डारण गरिएको क्षेत्र हो । छापा मारेर विभागले ६६ कार्टुन ‘ब्रेक शु’ बरामद गरेको छ ।

ब्रेक शु बरामदसंगै विभागले तस्करहरुलाई गोदाम खोजिदिएको आरोपमा थप एक पक्राउ गरेको छ । पक्राउ पर्नेमा सुरेन्द्र तामाङ रहेका छन् ।

यो संगै पक्राउ पर्नेको संख्या १७ पुगेको छ ।