त्रिभुवन विमानस्थलबाट करिब १०० किलो सुन बरामद, तीन पक्राउ

काठमाडौँ- राजस्व अनुसन्धान विभागले आज त्रिभुवन अन्तर्राष्ट्रिय विमानस्थलबाट करिब १०० किलो सुन बरामद गरेको छ ।

बरामद गरिएको अवैध सुन हङकङबाट ल्याइएको विभागले जानकारी दिएको हो ।

विभागका महानिर्देशक नवराज ढुङ्गानाले भने, ” विशेष सूचनाका आधारमा राजश्वको टोली विमानस्थल भन्सारमा छापा हान्न पुगेको थियो । हामी अहिले अपरेशनमै छौँ।”

उक्त सुन ओसारपसरासमा संलग्न रहेका तीन जनालाई पक्राउ गरिएको छ । हङ्कङबाट आएको सुन विमानस्थल पास भएर ट्याक्सीमा लैजान लागिएको अबस्थामा बरामद गरिएको हो ।