वर्तमान सरकार पाँच वर्षसम्म चल्छ : मन्त्री किराँती

जनकपुरधाम- आज मंगलबार जनकपुरधाममा पत्रकारहरूसँग कुरा गर्दै संस्कृति, पर्यटन तथा नागरिक उड्डयनमन्त्री सुदन किराँतीले वर्तमान गठबन्धन सरकार पाँच वर्षसम्म चल्ने बताएका छन् ।

उनले अहिलेको गठबन्धन परिवर्तन हुने विषयमा कुनै सत्यता नभएको बताएका छन् ।

प्रधानमन्त्रीले दिनु भएको अभिव्यक्ति गठबन्धन दलका बीचमा आलोपालो गरी चलाउने सहमतिअनुसार आएको बताउँदै प्रधानमन्त्रीले देश र जनताको पक्षमा काम गरिरहेको बताएका छन् । यस्तै मन्त्री किराँतीले प्रधानमन्त्रीले छोटो अवधिमा सुशासनको पक्षमा काम गरेकाले जनतामा निकै आशा पलाएको बताउँदै राज्यप्रतिको विश्वास पनि बढेको दाबी गरेका छन् ।