गठबन्धनको प्रचार कमाण्डरमा खनाल

काठमाडौ-बाम-लोकतान्त्रिक गठबन्धन पाँचथर सम्पर्क निर्वाचन परिचालन मूल समितिको पहिलो बैठक सम्पर्क कार्यालयमा बस्यो !

समितिका संयोजक लक्ष्मीनारायण तिम्सिनाको अध्यक्षतामा बसेको बैठकमा मूल समिति अन्तर्गतका आर्थिक ब्यबस्थापन,प्रचार प्रसार,मतदाता तथा यातायात ब्यबस्थापन समितिका सदस्यहरु र सल्लाहकारहरु समेतको उपस्थिति थियो !

कार्य क्षेत्र र जिम्मेवारी वाडफाड गर्ने बिषयबस्तुमा केन्द्रित रहेर बसेको आजको बैठकले प्रचार प्रसार तथा सूचनासमितिको संयोजकको जिम्मा नेकपा(माओबादी केन्द्र) सम्पर्क समन्वय केन्द्रीय प्रकाशन तथा प्रचार बिभागका सदस्य बिन्देश्वर खनाल र सहसंयोजकको जिम्मा नेकपा ( एकीकृत समाजबादी)का केन्दीय प्रचार बिभागका सदस्य लेखनाथ खतिवडा सिकारु र नेपाली काग्रेसका संगीता सुहाङ्लाई जिम्मा दिइएको छ।

आर्थिक ब्यवस्थापन समितिका संयोजकमा नेपाली काग्रेसका देबीप्रसाद काफ्ले र सहसंयोजकमा माओबादी केन्द्रका शेरबहादुर तुम्वापो तथा एकीकृत समाजबादीका महेन्द्र निरौलालाई सहसंयोजकको जिम्मेवारी तोकेको छ।

त्यसैगरी एकीकृत समाजबादीका बिक्रम भट्टराईलाई संयोजक र नेपाली कांग्रेसका अमृत याेङ्या र माओबादी केन्द्रका दिपक लामालाई मतदाता तथा यातायात ब्यवस्थापन समितिको जिम्मा दिएको छ ।

सम्वन्धित समितिहरु कार्य योजना बनाई तोकिएको जिम्मेवारी पूरा गर्ने अधिकार प्रदान बैठकले दिएको छ ।

यसैबीच,संयोजक खनालले भोलि नै प्रचार प्रसार समितिको बैठक बसेर प्रचारका कार्यलाई तिब्रता दिने र सामाजिक सञ्जालको सूक्ष्म अध्यायन र बिशेषण समेत गरिने बताउनु भएको छ !