भाडाको घर छोडेर प्रचण्ड आफ्नै नयाँ घरमा

काठमाडौँ- नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ आज भाडामा बस्दै गरेको घर छोडेर आफ्नै नयाँ घरमा सर्दैछन् ।

शिवनगरमा भाडामा बस्दै गरेका अध्यक्ष प्रचण्ड आज भरतपुर महानगरको-१४ नम्बर वडामा बनेको आफ्नो नयाँ घरमा सर्न लागेका पारिवारिक स्रोतले जनाएका छन् । स्रोतका अनुसार बिहान ११ बजे नयाँ घरमा सर्ने कार्यक्रम रहेको छ। अस्वस्थ रहेकी पत्नी सीतालाई केही दिन चितवनमै राख्ने योजनासाथ प्रचण्ड चितवन पुगेका छन् ।

पत्नी सीता दाहालसँगै चुनावी प्रचार र पार्टी कामका लागि उनी हिजो चितवन पुगेका थिए । उनले जिल्लामा असन्तुष्ट रहेका नेताहरुलाई अन्य पार्टीमा जानबाट रोक्ने रणनीति बनाएका छन् । हिजो मात्रै उनले अन्य पार्टीका केही कार्यकर्तालाई माओवादी केन्द्रमा भित्र्याएका छन् ।