माओबादी पाँचथर सम्पर्क समिति चुनावमा होमियो

काठमाडौ- नेकपा(माओबादी केन्द्र) पाँचथर-काठमाडौं सम्पर्क समन्वय समितिको शनिबार सो पार्टीको १ नं. प्रदेश सम्पर्क कार्यालय जडिबुटीमा बसेको बैठकले निर्वाचनमा केन्द्रीत हुने निर्णय गरेको छ।

गठबन्धनमा सिट बाँडफाँड र उम्मेदवारको टुङ्गो लागि नसकेको भएतापनि प्रत्यक्ष तर्फ गठबन्धनका उम्मेदवारहरुलाई र समानुपातिक तर्फ पार्टीलाई जिल्लाको पहिलो पार्टी बनाउने लक्ष्यका साथ आवश्यक तयारीमा लाग्ने निर्णय भएको समितिका सचिव सुमन अधिकारीले बताएका छन्।

निर्वाचन तयारीका लागि पाँचथर-काठमाडौं सम्पर्क समितिका ईञ्चार्ज बिष्णु सुब्बा आङदेम्वेको अध्यक्षतामा जिल्ला सम्पर्क समितिका सदस्य,सल्लाहकार समिति सदस्य,बिभाग तथा समितिका सदस्यहरु,अन्य जनवर्गीय संगठन र मोर्चामा रहेका पाँचथरेहरु समेत सदस्य रहने गरि निर्वाचन परिचालन मूल समिति गठन गरिएको छ !

यसैगरि, सम्पर्क समन्वय केन्द्रीय प्रचार तथा प्रकाशन बिभागका सदस्य बिन्देश्वर खनालको संयोजकत्वमा देबेन्द्रकुमार सम्वाहाङ्फे,जंग तामाङ् र तुलसि बाँस्कोटा सदस्य रहेको निर्वाचन प्रचार-प्रसार समिति र शेरबहादुर तुम्वापोको संयोजकत्वमा बिमल जवेगु,प्रियकुमार नेम्वाङ,कृष्ण वनेम फागो,छत्र घतानी,देवेन्द्रकुमार सम्वाहाङ्फे,डिल्लिमाया थोक्लिहाङ् र खेम लावती रहेको आर्थिक ब्यबस्थापन समिति गठन गरिएको छ।

त्यस्तै क. दिपक लामा सामदेनको संयोजकत्वमा मतदाता संकलन तथा व्यवस्थापन समिति गठन गरिएको छ सो समितिका अन्य सदस्यहरुमा राजु राई,सुमन अधिकारी,कविन्द्र आङ्देम्वे,ईन्द्र सुहाङ्,कल्पना राई,खेम लावती,छत्र घतानी,डिल्लिमाया थोक्लिहाङ्,प्रियकुमार नेम्वाङ र हेमराज दाहाल रहेका छन् !

साथै, उक्त बैठकले ८ वटै पालिका सम्पर्क समिति गठन गरेको र दशैं बिदा अगावै वडास्तरीय समिति समेत निर्णय गर्नुका साथै संगठन सुदृढीकरण र आर्थिक सम्वन्धि अन्य आन्तरिक निर्णय समेत गरेको सचिव अधिकारीले जानकारी दिएका छन् ।

यसैगरी सोही बैठकमा १ नं. प्रदेश सम्पर्क समितिका तर्फबाट पाँचथरबाट प्रतिनिधिसभा सदस्यमा समानुपातिक तर्फ बिष्णु सुब्बा आङ्देम्वे र पाँचथर ख बाट बिन्देश्वर खनाल र भक्त पयाङ्गु तथा प्रदेश क बाट प्रत्यक्ष तर्फबाट दिपक लामा साम्देनको नाम सिफारिस गरिएको सार्वजनिक गरिएको अध्यक्ष भक्त पयाङ्गुले जानकारी दिनु भयो !

१ नं. प्रदेश ईञ्चार्ज शिव बस्नेत तथा १ नं. प्रदेश उपाध्यक्ष ध्रुबकुमार आङ्देम्वे,ईञ्चार्ज बिष्णु सुब्बा लगायतको उपस्थिति रहेको बैठकले गठबन्धनका अन्य सम्पर्क समितिहरु र मञ्चसँगको सम्पर्क र समन्वयको जिम्मा पदाधिकारी,सदस्य तथा सल्लाहकार समितिलाई दिएको र गठवन्धनको टुङ्गो लागेपछि समन्वय अघि बढाईने अध्यक्ष पयाङ्गुले बताउनु भयो।