गृहमन्त्रीसंग जब ‘बम’ पड्किए

काठमाडौँ- साउन १५ गातेको दिन। नेपाली समाजको खीर खाने दिन। त्यहि दिन दिनभर नेपालको प्रशासनिक केन्द्र सिंहदरवार भित्र रहेको गृह मन्त्रालय परिसरमा पाँचथरबाट गृहमन्त्री बालकृष्ण खाणलाई भेट्न गएका जनप्रतिनीधिहरु केहि रातो पिरो देखिन्थे।

प्रतिनीधिको नेतृत्व जिल्ला समन्वय समिति प्रमुख रामराज आङ्गदेम्बे र कुम्मायक गाउपलिकाका अध्यक्ष बमप्रसाद लावतीले गरेका थिए। बिषय थियो गत साल कार्तिक १,२ र ३ गते आएको विषम अविरल बर्षाले घरबारबिहिन भएका पीडितको आवाज उठाउनु। उनीहरुलाई राहत दिलाउनु।

आगन्तुक कक्षमा ३ घण्टा पर्खे पनि गृहमन्त्रीले भेट नदिई बाहिर निस्केको सूचना पाएपछि प्रमुख आङ्गदेम्बे असन्तोष जनाउदै बाहिरीए। केहि क्षणमा अरु प्रतिनिधि पनि आ-आफ्नो बाटो लागे।

भोलिपल्ट फाल्गुनन्द फाकतेपका राजनैतिक तथा सामाजिक ब्यक्तित्क अविन्द्र प्रसाद चेम्जोङको अन्त्येष्टिको दिन पनि थियो भने गृह मन्त्रीको स्वकीय सचिबले अध्यक्ष लावतीलाई भेट्न मन्त्रीको समय मिलेको र भेट्न आउन भने।

अध्यक्ष लावती मोरङ्ग कांग्रेसी कार्यकर्ता डीगबहादुर चेम्जोङ्गलाई लिएर गृह मन्त्रीलाई भेट्न सिंहदरबार छिरे र गृहमन्त्री संग कड्किन थाले।

मन्त्री ज्यु , विपदको बेला प्रधानमन्त्री र तपाई हेलिकप्टरमा सवार भएर पीडित जनतालाई यो पनि हुन्छ त्यो पनि हुन्छ भनेर आश्वासन दिने अनि आज सम्म धनजन , बालीनाली गुमाएका कृषकले जनाताई केहि पनि नदिने? के तरिका हो यस्तो? बाढी पहिरो पीडितले हामीलाई गुनाशो गरेको गर्यै छन्। यस्तै हो भने हामीले राजनीति कसरि गर्ने ?’

अध्यक्ष लावतीको आक्रोश देखेर मन्त्री खाण पनि जंगिए ‘ बाढी पहिरो मैले पठाएको हो र लावती जी ? कर्मचारीले राहत दिनु भनेर निर्देशन दिएकै हो। कहाँ कमजोरी भयो , कसले कमजोरी गर्यो भन्दै फोन थिच्न थाले।

मन्त्री खाणले विपद ब्यबस्थापन महाशाखालाई फोन गरेर आदेश दिए -‘पाँचथरको कुम्मायक,तुम्बेवा,मिक्लाजुङ्ग,फ़ालेलुङ्ग र फिदिमका पीडितलाई राहत उपलब्ध गराउनु। ‘