जापान पुगे प्रचण्ड

काठमाडौँ- नेपाली जनप्रगतिशील मञ्चको कार्यक्रममा सहभागी हुन नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ जापान पुगेका छन् ।

शुक्रबार बेलुकी जापान प्रस्थान गरेका प्रचण्डलाई टोकियोस्थित विमानस्थलमा जापनाका लागि नेपाली राजदूत दुर्गाबहादुर सुवेदी, जनप्रगतिशील मञ्च जापानका पदाधिकारीसहित प्रवासी नेपालीले स्वागत गरेका थिए ।

आज शनिबार जापानको फुकुवामा आयोजित नेपाल फेस्टिबलको उद्घाटन गर्ने कार्यक्रम रहेको छ।

यस्तै आइतबार भने जनप्रगतिशील मञ्च जापानको आयोजनामा हुने ‘समृद्ध नेपालको आधार : आर्थिक क्रान्तिमा प्रवासी नेपालीको सरोकार’ विषयका अन्तरक्रियामा अध्यक्ष प्रचण्ड सहभागी हुने छन् ।