गणतन्त्रलाई समाजवादी गणतन्त्रतिर लैजान सकिन्छ : अध्यक्ष प्रचण्ड

काठमाडौँ- क्रान्तिकारीहरुले मिहेनत गरेर जाँदा गणतन्त्रलाई बिस्तारै जनताको गणतन्त्र र समाजवादी गणतन्त्रतिर लैजान सकिने माओवादी केन्द्रका अध्यक्ष पुष्पकमल दाहाल ‘प्रचण्ड’ले बताएका छन् ।

कम्युनिष्ट संस्थापक नरबहादुर कर्माचार्यको नवौं स्मृति दिवसका अवसर उनले भने, “हामीले सकेनौं भने त्यो बुर्जुवा गणतन्त्र हुने खतरा पनि छ भनेर लेखिएको छ । आजको दिनमा हेर्ने हो भने राजनीति त्यसको वरिपरि घुमिरहेको छ ।”

उनले थप भने “अध्यक्ष प्रचण्डले प्रतिक्रियावादी शक्तिहरुले आफूहरुले लडेर ल्याएको संघीयता, गणतन्त्र र धर्मनिरपेक्षताका विरुद्ध जेहाद छाड्न थालेको बताउनुभयो । आज ठ्याक्कै चुनवाङमा भनेको जस्तो कसको गणतन्त्र हुने हो भन्ने लडाईं चलिराखेको छ।”

जनताले र क्रान्तिकारीहरुले चुनाव लडेर जितेर आउने भन्ने कुरा सपनाजस्तो भएको पनि उनले स्पष्ट परेका छन् । चुनावमा दलाल पुँजिपति,पैसावालहरु आउने खतरा दिनप्रतिदिन बढ्दो रहेको उनले बताएका छन् ।