निर्मला पन्त हत्या प्रकरण ट्विस्ट गराउने पत्रकार भण्डारी पक्राउ परेकाे हल्ला

काठमाडाैं-निर्मला पन्तको हत्या प्रकरणलाई टिव्स्ट गराएका महेन्द्रनगरका पत्रकार खेम भण्डारी पक्राउ परेको हल्ला चलेको छ।

पत्रकार भण्डारीले आफैले फेसबुकमा स्टाटस लेखेर घरमा आराम गरिरहेको स्पष्टिकरण दिएका छन्।

तीन वर्ष अघि उनि पक्राउ परेको भिडियो सामाजिक सञ्जालमा भाइरल भएपछि भण्डारीले स्टाटस मार्फत स्पष्टिकरण दिएका हुन्। ‘हल्लाको पछाडि नलागौं । शान्त रहौं । म घरमा  आराम गरिरहेको छु । सरकारले मलाई गिरफ्तार गर्ने मुर्खता गरिहाल्यो भने देखा जायगा।’ उनले स्टाटसमा लेखेका छन्।

अर्कोतर्फ सुदुरपश्चिममा उनी पक्षधर व्यक्तिहरुले भण्डारीको बचाउ गर्दै सामाजिक सञ्जाल भरेका छन्।

बलत्कार पछि हत्या गरिएकी १३ वर्षिय पन्तकोे घटनाका दोषीलाई बचाउन भण्डारी लागेको आरोप लाग्दै आएको छ। ४ दिन अघि सोहि विषयलाई स्पष्टिकरण पार्न काठमाडौं समेत आएका थिए। उक्त घटनामा शक्ति केन्द्रको हात रहेको बताउने भण्डारीले कुनै ठोस प्रमाण भने दिन सकेनन्।

पूर्व एमाले समर्थक पत्रकार भण्डारी पत्रकारितासँगै राजनीति पनि गर्दै आएका छन्।