त्रिशूलीमा बस खस्दा ३ जनाको मृत्यु र ११ को उद्धार

काठमाडौं- त्रिशूली नसीमा बस खस्दा ३ जना यात्रुको मृत्यु भएको छ | बेनिघाट रोराङ गाउँपालिका वडा नम्बर ३ सलाङघाटबाट बस खस्दा ३ जनाको मृत्यु भएको छ भने ११ जना यात्रुको उद्धार गरिएको छ

सिरहाको मलंगवाबाट काठमाण्डौंको लागि छुटेको ना ६ ख ७४६९ नम्बरको बस शुक्रबार बिहान त्रिशूली नदीमा खसेको हो । अहिले उद्धारको काम भइरहेको छ । बसमा ४० जनाभन्दा धेरै रहेको अनुमान छ ।

त्रिशूलीमा खसेको बसको आधा भाग मात्रै देखिएको छ। घाइतेलाई मलेखु सामुदायिक अस्पताल र गजुरी प्राथमिक स्वास्थ्य केन्द्रमा लगिएको प्रहरीले जनाएको छ । सेना र प्रहरीले उद्धारको काम गरिरहेका छन् ।