काश्मिरका पूर्व मुख्यमन्त्रीसहितका नेता नजरबन्दमा, कर्फ्युसँगै इन्टरनेट र फोन अवरुद्ध

एजेन्सी- भारत प्रशासित काश्मीरमा गएराती मध्यरातबाट कर्फ्यू लगाइएको छ भने त्यहाँका पूर्वमुख्यमन्त्रीहरुसहितका नेताहरुलाई नजरबन्द गरिएको छ।

श्रीनगरमा धारा १४४ लागू गरिएको छ भने जम्मुमा कर्फ्यू लगाइएको छ । आधा रातमा नेशनल कन्फ्रेन्सका नेता उमर अब्दुल्ला, पीडीपी अध्यक्ष महबुबा मुफ्ती र जम्मु काश्मीर पीपल्स कन्फ्रेन्सका अध्यक्ष सज्जाद लोनलाई उनीहरुकै घरमा नजरबन्द गरिएको छ ।

श्रीनगरमा रहेका बीबीसीका पत्रकार माजिद जहाँगीरले काश्मीरमा धारा १४४ लागू गरिएको र यस आदेशअनुसार आम जनताले कुनै प्रकारको आवतजावत गर्न पाउने छैनन् भने शैक्षिक संस्था समेत बन्द रहनेछन्।

सरकारले छात्राबास समेत खाली गराउन आदेश दिएको छ । श्रीनगर समेत काश्मीर घाँटीमा मोबाइल र इन्टरनेट सेवा समेत बन्द गरिएको छ ।

श्रीनगरमा ल्यान्डलाइन फोनको सम्पर्क समेत टुटाइएको छ । अधिकारीहरुलाई सम्पर्क गर्नका लागि स्याटेलाइट फोन उपलब्ध गराइएको छ ।