गोसाइँकुण्ड मेला साउन २६ देखि ३० गतेसम्म,१५ हजारभन्दा बढी दर्शानार्थी पुग्ने

काठमाडौँदेखि धुञ्चेसम्म आठ घण्टामा मोटर र त्यसपछि पैदल शुरु हुने धार्मिक पदयात्राका क्रममा त्रिशूली नदी, चन्दनबारी आधार इलाकामा भेटिने चौँरीगाई र लौरीविनायक टापुबाट देखिने अल्का हिमालले यात्रुलाई थप मनमोहक बनाउने छ । पवित्र तीर्थमा स्नान गर्दा जोश जागरको अनुभूति हुन्छ । 

समुद्री सतहदेखि १४ हजार १०० फिटको उचाइमा अवस्थित गोसाइँकुण्ड धुञ्चे बजारहुँदै चन्दनबारी वा लौरीविनायकभएर पुग्न सकिन्छ । गोसाइँकुण्ड बौद्ध तथा हिन्दू धर्मावलम्बीको साझा धार्मिक थलो हो । सो पर्वका अवसरमा त्यहाँ पुग्ने भक्तजनले आफ्ना दिवङ्गत पितृको सम्झना गर्दै श्राद्ध एवं तर्पण गर्नाले पितृ स्वर्गमा पुग्ने विश्वास रहिआएको छ ।