किन मन परेन वामदेवलाई संघीयता?

काठमाडौं-नेपाल कम्युनिस्ट पार्टी (नेकपा) का नेता तथा सचिवालय सदस्य बामदेव गौतमले संघीयताकाे विपक्षमा पहिलाेपटक  आफूलाई उभ्याएका छन्। पार्टीका नेता तथा कार्यकर्ताले खचाखच भरिएकाे हलमा उनले संघीयता मन नपरेको बताएका छन्।

जीवराज आश्रितकाे ७५ अाैं  जन्म  दिवसको अवसरमा शनिबार बागबजारमा आयोजित कार्यक्रममा नेता गौतमले भने,’देशमा आज केही पनि भएको छैन भन्ने नठान्नुस्’, उनले आग्रह गरे, ‘हामीले राजतन्त्र समाप्त गर्‍यौं। त्यसको ठाउँमा संघीय लोकतान्त्रिक गणतन्त्र ल्याएका छौं। कतिपयलाई संघीयता चित्त बुझेको छैन। मलाई पनि अलिअलि चित्त बुझेको छैन।’

मदन भण्डारी र आश्रितको आधा सपना आफूहरुले पूरा गरेको दाबी गरे। 

उनले आफूहरुले युग परिवर्तन गरेको दाबी गरे।

भण्डारीलाई जननेता भनेर आश्रितलाई भने कुशल संगठन मात्रै भनिएकोमा आफूलाई चित्त नबुझेको उनले बताए। ‘चित्त नबुझे पनि त्यो भइसकेको छ’, उनले भने।

उहाँहरुले देखाएको बाटोमा अघि बढ्ने उनको भनाइ थियो।