काठमाडौं महानगरपालिका : बालेनको अग्रता कायमै, स्थापितलाई पछ्याउँदै सिंह

काठमाडौँ- स्वतन्त्र उम्मेदवार वालेन्द्र साहले काठमाडौँ महानगरपालिकाको प्रमुखमा आफ्नो अग्रतालाई कायमै राखेका छन् । साहले १५ हजारभन्दा बढी मतको अग्रता लिएका छन् ।

९०,२९२ मत गणना हुदा उनले ३३,२६० मत ल्याएको पछिल्लो मत परिणामले जनाएको छ । उनी आफ्ना निकटतम प्रतिस्पर्धी नेकपा एमालेका केशव स्थापितभन्दा झण्डै दोब्बर मतले अगाडि छन् । स्थापितले १७,६९२ मत प्राप्त गरेका छन् ।

त्यस्तै नेपाली काँग्रेसकी सिर्जना सिंहले १७,५७९ मत पाएकी छन् ।