आजको मौसम : केहि स्थानमा मेघ गर्जनसहित भीषण वर्षाको सम्भावना

काठमाडौँ- मनसुनी वायुको प्रभावका कारण आगामी तीन दिन देशका विभिन्न स्थानमा वर्षाको सम्भावना रहेको मौसम पूर्वानुमान महाशाखाले जनाएको छ ।

आगामी २४ घण्टामा देशका अधिकांश स्थानमा हल्कादेखि मध्यम वर्षाको सम्भावना रही प्रदेश १, कर्णाली र सुदूरपश्चिम प्रदेशका एक वा दुई स्थानमा मेघ गर्जनसहित भीषण वर्षाको सम्भावना रहेको महाशाखाले जनाएको छ।

शनिबार बिहान देशभर मौसम सामान्यदेखि पूर्ण बदली रहेको छ।दिउँसो पनि देशभर मौसम बदली रही केही स्थानमा हल्कादेखि मध्यम वर्षाको सम्भावना रहेको छ । मौसम पूर्वानुमान महाशाखाका अनुसार प्रदेश १, कर्णाली र सुदूरपश्चिम प्रदेशका एक वा दुई स्थानमा मेघ गर्जनसहित भीषण वर्षाको सम्भावना रहेको छ ।

यस्तै‚ राति देशभर मौसम बदली रही केही स्थानमा हल्कादेखि मध्यम वर्षाको सम्भावना रहेको छ । प्रदेश १ को एक वा दुई स्थानमा भने भीषण वर्षाको सम्भावना रहेको छ।