आजको मौसम : केही प्रदेशमा भीषण वर्षाको सम्भावना

काठमाडौँ- आज पनि केही प्रदेशमा भीषण वर्षाको सम्भावना रहेकाले सतर्क रहन जल तथा मौसम विज्ञान विभागको मौसम पूर्वानुमान महाशाखाले आग्रह गरेको छ ।

देशका केही स्थानमा हल्कादेखि मध्यम वर्षाको सम्भावना रहेको महाशाखाले जनाएको छ । बाग्मती, गण्डकी र लुम्बिनी प्रदेशका एक वा दुई स्थानमा भने भीषण वर्षाको सम्भावना रहेकाले ती प्रदेशमा सतर्कता अपनाउन आग्रह गरिएको छ ।

मंगलबार बिहान मनसुनी वायुको प्रभाव र देशको दक्षिणी भू-भाग नजिक मनसुनी न्यून चापीय रेखा रहेकाले देशभरको मौसम बदली छ । मौसम पूर्वानुमान महाशाखाका अनुसार प्रदेश २‚ बागमती‚ लुम्बिनी र गण्डकी प्रदेशका केही स्थानमा वर्षा भइरहेको छ ।

दिउँसो पनि देशभर सामान्यदेखि पूर्ण बदली रही अधिकांश स्थानमा वर्षाको सम्भावना रहेको छ । बागमती, गण्डकी र लुम्बिनी प्रदेशका एक वा दुई स्थानमा भने भीषण वर्षाको सम्भावना छ । राति देशभर सामान्यदेखि पूर्ण बदली रही अधिकांश स्थानमा वर्षाको सम्भावना रहेको छ । महाशाखाले प्रदेश १, प्रदेश २, बागमतती र सुदूरपश्चिम प्रदेशका एक वा दुई स्थानमा भीषण वर्षाको सम्भावना रहेको जनाएको छ ।