जाजरकोटमा जिप दुर्घटना हुँदा एकको मृत्यु, चार घाइते

जाजरकोट- जाजरकोटको बारेकोट गाउँपालिकामा जिप दुर्घटना हुँदा एक जनाको मृत्यु भएको छ भने थप चार जना घाइते भएका छन् । प्रहरीले बारकोटबाट खारातर्फ आउँदै गरेको ग १ ज ४९५५ नंको जिप लैखममा दुर्घटना भएको जनाएको छ ।

प्रहरीका अनुसार दुर्घटनामा परी बारेकोट गाउँपालिका–८ की ५५ वर्षीया लक्ष्मी सिंहको घटनास्थलमै मृत्यु भएको हो ।

घाइते हुनेमा बारेकोट गाउँपालिका–८ की २५ वर्षीया समीक्षा सिंह, २३ वर्षीय दीपक खत्री, २६ वर्षीय बलबहादुर खत्री र नलगाड नगरपालिका–५ का १८ वर्षीय मिलन शाही रहेका छन् ।

प्रहरीले घाइतेहरूको उपचारका लागि स्वास्थ्य संस्था दल्ली ल्याइएको जनाएको छ । चालक बारेकोट–८ का राजु सिंह फरार रहेको प्रहरीले जनाएको छ । जिप नलगाड नदीमा खसेको छ ।