टिपरले पैदलयात्रीलाई ठक्कर दिँदा मृत्यु

पोखरा- पोखरामा सवारी दुर्घटनामा एकको निधन भएको छ । पोखरा महानगरपालिका–५ गणतन्त्र चोकमा ग १ ख ९७०३ नम्बरको टिपरले पैदलयात्री स्याङ्जा बिरुवा गाउँपालिका–४ घर भई हाल पोखरा–१७ बिरौटा बस्ने ४० वर्षीया रीता केसीलाई बिहीबार ठक्कर दिएको थियो ।

गण्डकी प्रदेश प्रहरी कार्यालय पोखराका प्रहरी नायब उपरीक्षक श्रवणुकमार विकले टिपरको ठक्करपछि गम्भीर घाइते केसीलाई उपचारका लागि अस्पताल लगिएको थियो र उनको उपचारका क्रममा शुक्रबार मृत्यु भएको जानकारी दिएका छन् ।

प्रहरीले घटनाको अनुसन्धान भइरहेको जनाएको छ ।