बस दुर्घटना,३ जना गम्भीर घाइते

दोलखा- दोलखाको मेलुङ गाउँपालिकास्थि पवटीमा यात्रुवाहक बस दुर्घटना हुँदा ३ जना गम्भीर घाइते भएका छन् ।

दुर्घटनामा परी आधा दर्जन बढी सामान्य घाइते भएका छन् ।

जिल्लाको मेलुङ गाउँपालिका वडा नम्बर १ पवटीस्थित तिरतिरे धारामा आज विहान बा ५ ख ६५९० नम्बरको बस दुर्घटना हुँदा ३ जना गम्भीर घाइते भएका हुन् ।

दोलखाका प्रहरी निरिक्षक रेशम बोहोराले गम्भीर घाइतेमध्ये २ जनालाई उपचारका लागि चरिकोटतर्फ लगिएको र एक जना महिलाको बसले हात च्यापिरहेकोले निकाल्ने प्रयास भइरहेको जानकारी दिए ।