आजको मौसम : केही ठाउँमा भारि वर्षाको सम्भावना

काठमाडौँ- मौसमविदका अनुसार लुम्बिनी र सुदूरपश्चिम प्रदेशका केही ठाउँमा आज बेलुका मेघगर्जनसहित ठूलो पानी पर्ने सम्भावना रहेको छ ।

मौसमविद् समिर श्रेष्ठले पानी पार्ने मनसुनी न्यूनचापीय रेखाको प्रभावका कारण बेलुका लुम्बिनी र सुदूरपश्चिम प्रदेशका केही ठाउँमा ठूलो पानी पर्ने र अरु प्रदेशमा सामान्यदेखि मध्यम खालको पानी पर्ने सम्भावना रहेको जानकारी दिएका छन् ।

दिउँसो भने देशभरको मौसम आंशिकदेखि सामान्य बद्ली भएर गण्डकी, लुम्बिनी, सुदूरपश्चिम र कर्णाली प्रदेशका केही ठाउँमा मेघगर्जनसहित सामान्यदेखि मध्यम खालको पानी पर्ने सम्भावना रहेको छ । अरु ठाउँमा पनि बद्ली भएर सामान्य खालको पानी पर्न सक्ने बताएका छन् ।